జ్యోతిషం - పరిహారాలు

చాలా మందికి జ్యోతిష్యంలో చెప్పే పరిహారాల గురించి సందేహాలున్నాయి. జపాలు పూజలు చేస్తే పని అవుతుందా, జపాలు, పూజలు చేసాం కదా మళ్లీ పని విషయంలో కష్టపడటం ఎందుకు అని. దానికి సమాధానం.. మనం రోడ్డు మీద వెళుతున్నప్పుడు రోడుకు అడ్డంగా రాళ్లు ఉంటే, వాటిని తొలగించి ముందుకు వెళతాం, అలాగే మన జాతకరీత్యా ఏవైనా దోషాలుంటే పరిహారాలతో వాటిని తొలగించుకుని ముందుకు వెళతాం. రోడ్డు మీద రాళ్లు తొలగించినంత మాత్రాన నడవకుండా మనం గమ్యం ఎలాగైతే చేరలేమో, కేవలం పరిహారాలు చేసి పనిచేయకున్న అనుకున్న ఫలితాన్ని పొందము. జ్యోతిషం సరైన మార్గాన్ని సూచిస్తుంది, మన శ్రమ మాత్రమే మనను గమ్యానికి చేరుస్తుంది. అది ఉద్యోగం అయినా, విద్య అయినా లేక సంతానం అయినా పరిహారాలతో పాటు మానవ ప్రయత్నమూ ఉండాలి.