రాహుకేతువులు మనిషియొక్క అహంకారానికి, ఆత్మన్యూనతకు కారకులు. జాతకంలో రాహువు అనుకూలంగా లేనప్పుడు, రాహువు దశ, అంతర్దశ, ప్రత్యంతర్దశలు నడిచినప్పుడు మనలో ఒకింత అహంకారం పెరుగుతుంది. దాని కారణంగా తెలిసి కూడా తప్పులు చేయటం, వివాదాలు పెట్టుకోవటం, లేనిది ఉన్నట్టు ఊహించుకుని స్నేహితులతో, బంధువులతో సంబంధాలు చెడగొట్టుకోవటం మొదలైన ఫలితాలు ఏర్పడతాయి. అదే కేతువు దశా, అంతర్దశ లేదా ప్రత్యంతర్దశలో మనలో ఆత్మస్థైర్యం (కాన్ఫిడెన్స్) సన్నగిల్లటం, భయం పెరగటం, అపజయం పాలవుతానని అసలు ఏ పని చేయకుండా ఉండటం, చిరాకు ఎక్కువ అవటం, ప్రతివారు తమ గురించి చెడుగా అనుకుంటున్నారని ఊహించుకోవటం మొదలైన ఫలితాలుంటాయి. మీకు పైన చెప్పిన ఫలితాల్లో ఏవి కనిపించినా మీకు రాహు కేతువులకు సంబంధించిన దశా, భుక్తి, ప్రత్యంతరాల్లో ఏదో ఒకటి నడుస్తున్నట్టు గుర్తు. ఈ రాహు సంబంధ సమస్యలనుంచి బయటకు రావటానికి దుర్గా ఆరాధన చేయటం మంచిది. అలాగే కేతు సంబంధ సమస్యలు దూరం అవటానికి గణేశ ఆరాధన చేయటం మంచిది. ఆరాధన అంటే జప, మంత్ర, స్తోత్ర, పూజాదికాల్లో ఏదైనా ఒక పద్ధతిలో దైవాన్ని కొలవటం.
No comments:
Post a Comment
Thanks for your comment.